Házi Jenő: Sopron szabad királyi város története. I. rész, 6. kötet, Oklevelek és levelek 1482-től 1520-ig. (Sopron, 1928.)

Tartalomjegyzék - 251.

251. 1512. Bécs, jún. 22. Az alsóausztriai kormánytanács közli a soproni tanáccsal, hogy ők úgy tudják, hogy a fegyverszünetet nem a Weispriach özvegye, hanem épen a városkapitányuk szegte meg és így beláthatják, hogy egy császári alattvaló bántalmazását nem engedhetik meg. Ersam, fursichtig, weis vnnser dinst ín gutem willen zuuor. Wir haben ewr schreiben vns yeczo abermals frawn Gerdrawten, weilennd hern Vlrichen von Weispriach gelassen wittib, halben die schaczung, so sy etlichen armen lewten ew zugehörig zugefugt mit ermanung der Vertröstung, so wir von des anstannds wegen gemacht haben sullen, gethan, mit seiner ynnhalt vernomen. Nun sein wir wol ingedenngkh, welcher massen wir mit hern Girsicken Ternicko von dem bestimbten anstannd, auch der gefanngen lewt, vich vnnd gut red gehalten. Haben auch in namen vnnsers allergenedigisten herrn des Romischen kaiser etc. der egemelten Weispriacherin mit ernnst geboten den anstannd anzunemen, die gefanngen ledig zu lassen vnd das viech vnd guter widerzugeben vnnd als sy aber bisher darynn vngehorsam gewesen gegen ir vnd iren kynnderen, stugkh vnd gutern in der kay(serlichen) m(aieste)t furstentumben gelegen ernnstlich furnemen zu tun beuolhen, dabey abzunemen, vns ir vngehorsam nicht lieb sey noch geuallen daran tragen. Deshalben wir ewrs ermanen dermassen, als in ewrm schreiben begriffen, billich erlassen weren, dann vns ist, vormals von der gedachten Weispriacherin angeczaigt, das nicht sy, sonnder der obgenannt Ternicko wider sy in der gemelten kay(serlichen) m(aieste)t lannde angefanngen, muget ir selbst ermessen, daz solhs auf baiden bartheyen woll vermiten béliben were vnnd alles das vnns anstat der yeczgenannten kay (serlichen) m(aieste)t in der sachen ze tun geburt, wirdet vns von nymannds, das wir darinn verzogen hieten, mit gelaubigem schein nicht zu geniessen werden noch vrsach haben kay(serlicher) m(aieste)t vnnderthanen darumben schaden zuzefugen, ir euch auch selbst ze tun nit gedenngkhen, dann wir das von seiner kay(serlichen) m(aieste)t wegen nicht zu sehen noch gedulden mochten. Das wólten wir ew zu anntwurt nicht verhalten. Geben zu Wienn, am erichtag vor Sannd Johannstag zu sonibenndtn, anno etc. im zwelften. Házi: Sopron sz. kir. város története. I. 6, 18