Házi Jenő: Sopron szabad királyi város története. I. rész, 4. kötet, Oklevelek és levelek 1453-tól 1459-ig. (Sopron, 1925.)
Tartalomjegyzék - 251. - 252.
sy zu geen zu ainem wein vnd von stund an iren eltisten zu vns ze 1 schicken, des also nicht geschach, sunder sy erhueben sich darnach in irer ornung vnd giengen eylend durch die vorstat aus, domit wir nicht künden wissen, weren sy frewnt oder feint oder was doch irs fürnemens wer. Vnd schickten die vnsern zu in, do spiennen die ewern vber die vnsern ire armbst, teten die vnsern desgleichen hinwider. In dem kom ir eltister vnd offenbart sich, sy weren die ewern vnd wolden geen zu ainem rechten gen Negkendorff, darauff liessen wir sew vnbekumert vnd befulhen in aus der stat, noch in der stat purkfrid kainen angriff ze tun. Item vnd weren wir arm, so weren wir doch mit eren arm, hieten wir aber aus der stat Ödenburg kriegen vnd rauben wellen lassen, wir hieten villeicht mer oder mynner, vnd solhs vnnachperlichs Schreibens weren wir pillich von ew vertragen. Item wir hören gerne, das ir ew des vnserm gnedigisten herren dem kunig wellet erklagen vnd hoffen vns mit eren wol zu verantwurten vnd begeren an ew, als vormalen vnser potschaft an ew gestanden ist, das ir ewern feinten bey der stat darin noch daraus, noch in der stat burkfrid kainen schaden lasset zuziehen, wenn ewr veint möchten vns dadurch willen an vnserr vorstat vnd dörfferen grossen schaden beweisen, vnd ir verstet selbs wol, das ir vnd die ewern, noch armer darczu wert vns das zu ergeczen. Wurdt ir ew aber solher angriff ewrr feint in vnserm 2 burkfrid nicht massen, so müssten wir vns des vnserm allergnedigisten herren dem Romischen kayser vnd vnserm allergnedigisten naturlichen herren künig Lassla erklagen vnd hoffen auch, es sull darczu nicht körnen, Vns bekumert vmb ewr veint gar nichts, nur das sy aus der stat hie vnd in vnserm burkfrid nicht angegriffen werden, alsdann newlich beschehen ist zu den zeiten, als der haubtmann von Schépregen in gelaitt hie was, das der ewren ainer ainem ewer veint aus vnserr vorstat auff den versen nachgedrabt vnd ir gefangen hat vnd das sein genomen, der dann als wir vernémen, noch in ewer vennknüss ist, vnd dadurch wir kriegs vnd veintschaft wartund seien. Item wir nemen vns auch kain vnpillichs nicht für, sunder was vnsern eren vnd glimphen zuepürt. Geben zu Ödenburg, an suntag nach Sand Margrethen tag, anno domini etc. LVII mo . Burgermaister, richter vnd rate der stat ze Ödenburg. 1 utána: körnen, 2 utána: burs áthúzva.
