Házi Jenő: Sopron szabad királyi város története. I. rész, 3. kötet, Oklevelek és levelek 1430-tól 1452-ig. (Sopron, 1924.)

Tartalomjegyzék - 354.

chomen in zeiten der krieg, wider ledig vnd frei wurden abtreten vnd darczü chemmen, darinn eur stat voraus bemelt ist worden, der Vorchtenstain, Eisnstat vnd ander geslosser mer. Das vierd

; das der Lassla ban, yecz grosser graf, frei vnd ledig wurd seiner vnpillichen vannknuss. Vnder den allen nichts ist entlich beslossen durch menigers zesamenchommen der rate dann allain, das der yeczgenant herr Lasla ban seiner vannknuss ist ledig worden, vnd das haus Teben volgt im frei, als uor, auch alle porgschaft, als mein herren hiefur vierundzwainczig tausent guidein werden gantz ledig

; aber die andern drei sachen stenn in güeten nach solicher betaiding hintz auf Gotzleichnambstag nachstkomund (1451 jún. 24). In der zeit ain andren sambnung sol werden auf Gotzauffarts tag auch nachstkomund (1451 jún. 3.), vnd an weliche stat, stet zu wilkur vnd erbelung der hungrischen [herren], als ich hab verstanden von dem von Rab. Dann auf denselben tag so entlich betracht werden von der [drei] artikel vnd all ander sach wegen, der almechtig Got schiks zum pesten vnd bewartem frid. Item ich [hjab mich auch bei meinen gueten freundten, den kanczlern des herren gubernátor, des von Cili etc. eri[n]nert, wie die sachen vmb die drei artikel sollen gesaczt werden zu sechczehen weiser herren, vnder acht von Hungern vnd acht der Deutschen, die sollen nach ainem rechten darumb erchennen vnd austrag machen. Vnd ob die nit ainig chunden werden, so sollen si erweln ainen obman die sachen entslichten. Wer aber, das aus solichen erweiten partei ain tail mit dem andern ainig wem oder das aus aim tail zu dem andern ainer zwen oder drei ir stym geben, was die dann erchennen, dabei sol es dreu bleiben. Aber sundergunstig lieb herren es sein die herren so wandelbertig, das es hart bei solichem bleibt, nur allain Got. der heilig Geist wurch vnd schiks zum pesten. Auch moget ir wissen, das [zu] disen gegenbürtigen taidingen von Vngern sind darczü geben vier vnd ain tail dez Romischen [kunigen] auch vier, vnd das sind als gewesen Steirer. Daran die Österreicher zemal gross verdriessen [haben] gehabt vnd auch in solichem haimgeraist. Aber ir moget wissen, das der von Cili, der herr gubernátor, Lasla ban vnd Niclas wayda ganncz ains sind vnd zusamb verpundten, was ainen antritt [yegljichen den andern; vnd soliche aussaczung stet nit gleich ainen frid. Item ir mögt auch wissen, das [der herr] gubernátor das haus Prespurg anders nyemant maint, dann kunig Lasla, so der ins lanndt Jchemme], vnd stet auch in gnaden vnd gueten mit mein herren,