Házi Jenő: Sopron szabad királyi város története. I. rész, 2. kötet, Oklevelek és levelek 1407-től 1429-ig. (Sopron, 1923.)

Tartalomjegyzék - 22.

22. 1409 okt. 21. Turnhof er Tamás soproni polgármester és Haymburg Vilmos kölni polgár egyrészt Holcz János és felesége Katalin, másrészt pedig Lechnig Braun kölni polgár közt fenforgó pereskedésben mint fogott bírák Ítélkeznek. Ich Thoman Thürnhofer, burgermaister ze Odemburg, vnd ich Wilhalm Hoymburg, burger ze Chölln am Rein, bekennen offenlich mit dem brief von der stöss vnd misshelung wegen, so Johan vom Holcz, Kathrey sein hausfraw an ainem tail, vnd der Prawen von Lechnig, auch burger ze Chölln am Rein, an dem andern tail, zum ersten sunderlich von der morgengab wegen derselben Kathrein, des vorgenanten Johans vom Holcz hausfrawen, dafür derselb Prawen gen Jörgen dem Hagenawer gestanden ist, vnd von aller der geltschuld wegen, so derselb Johan vom Holcz vnd Kathrey sein hausfraw dem egenanten Prawen schuldig sein gewesen, darumb die egenante Johan vom Holcz, Kathrey sein hausfraw und der Prawen hinder vns vorgenanten darumb auzzesprechen genczlich gegangen sind, als die hindergengbrief lautten, die sy vns zw baiderseit darumb geben habent. So sprechen wir zum ersten, das derselb Johan vom Holcz, Kathrey sein hausfraw vnd der egenante Prawen fürbas gut freundt miteinander sein sullen vnd trewlich aneinander helffen, als sy vormals ye getan haben. Darnach sprechen wir, daz der egenante Prawen der gelub vnd gehais, die [egenan]ten demselben Hagenawer vmb die vierhundert phunt Wienner phenning versprochner morgengab getan hat, vnd darumb derselb Hagenawer der egenanten Kathrein burgel gewesen ist, da dieselben der Prawen vnd der Hagenawer derselb irer gelub, gehais vnd burgelschaft vmb dieselben vierhundert phunt phenning versprochner morgengab gen derselben Kathrein, Johans vom Holcz hausfrawen sullen gancz ledig vnd los sein. Darnach sprechen wir, daz der Prawen alle die geltbrief, die er von dem egenanten Johan vom Holcz vnd Kathrein seiner hausfrawen ynnhat, die sol er vns spruchleutten zu vnsern hannden antwurten vnd geben, daz wir die an die rechten stat geraihen mugen. Daengegen sprechen wir dem Prawen an aller der geltschuld, verpriefter vnd vnverpriefter, so im die egenante Johan vom Holcz vnd Kathrey sein hausfraw schuldig sein gewesen,