Veress Endre: Gyula város oklevéltára. 1313-1800. (Budapest, 1938.)

complacentias fidelis nostri dilecti, viri Magnifici Iohannis de Maroth Bani nostri Machoviensis, quibus idem Celsitudini nostrae in pluribus nostris et regni nostri agendis prosperis et adversis, sub diversitate locorum et temporum per suorum laudabilium operum efficacem et indefessam sollicitudinem multimode studuit complacere, signanter dum olim Iohannes filius Petri de Horwathy et altér Iohannes crucifer prior Auranae, nostri notorii infideles, cum ceteris nostris infidelibus ipsis adhaerentibus, Serenissimas principes dominas Elizabet, matrem et Mariam conthoralem nostras carissimas, dictorum regnorum nostrorum reginas felicium recordationum prope civitatem Gara vocatam in conflictu eorundem personali, ibidem cum nostris fidelibus commisso et interemptione plurimorum nostrorum fidelium praedictorum contra eosdem Iohannem de Horwathy et alterum Iohannem cruciferum ipsorumque sequaces in defensionem dictarum reginarum ferventer dimicantium captivassent, in qua quidem captivitate ipsa domina mater nostra, proh dolor, per eosdem miserabiliter exstitit interempta, praefatus Iohannes Banus adeo, ut ipsis dominabus reginis, matri et contliorali nostris carissimis, alicuius defensionis subsidium impendere potuisset, in area ipsius certaminis et conflictus ab ipsis nostris infidelibus gravissima ad se laesionis suscepit vulnera, ubi etiam per eosdem detentus exstitisset ; tandem verő, dum fideles nostri, vir Magnificus Nicolaus de Gara, tunc Banus noster Machoviensis et Stephanus de Lossonch, iuxta oppidum Cherewgh cum eisdem Iohanne de Horwaty nostro infidele et eius sequacibus conflictum commisissent personalem, tunc etiam idem Iohannes Banus non formidans suae personae periculum conflictu in eodem, contra eosdem nostros infideles, cum sui sanguinis effusione et vulnerum susceptione nobis ibidem, fideles exhibuit famulatus ; insuper dum nefandissimi crucis Christi hostes, utputa Turci valido ipsorum cum exercitu comitatum nostrum Syrimyensem hostiliter subintrassent, tunc idem Iohannes de Maroth Banus eis civitatem Nogolaz cum eisdem pro nostri regii honoris incremento conflictum commisisset, in quo etiam conflictu Dyonisium fratrem suum uterinum iidem nostri hostes captivassent et captum abduxissent, ubi dictus Iohannes Banus cum detentione ipsius fratris sui et non sine suorum familiarium periculo et nece, ac sui sanguinis effusione nostrae fideliter servivit Maiestati, animadvertentes etiam, quomodo alias dum scelerata cohors Turcorum in sua pluralitate confisa iam dictum comitatum nostrum Syrimyensem, utputa vice iterata hostilit er invasisset et in eodem spolia, incendia, homicidia et detentiones nostrorum regnicolarum utriusque sexus non modicas commisisset, tunc etiam memoratus Iohannes Banus pro nostri regii honoris exaltatione cum eisdem penes civitatem Nogengh conflictum personalem viriliter inivisset et in eodem stragem non modicam fecisset, ubi non sine duorum letalium vulnerum plagis et quamplurimorum familiarium suorum periclitatione nostrae claritati fidelia obsequia curavit exhibere, praeterea dum nefandissimus crucis Christi immo totius ortodoxáé fidei hostis et persecutor Bayzath dominus Turcorum capitalis nostrae Maiestatis aemulus, cum valido exercitu ipsorum Turcorum et aliarum barbararum nationum caterva fulcitus, partes nostras Transalpinas hostiliter subintrasset easdemque fere in maiori parte devastando et depopulando castrum nostrum minoris Nykapolis a Merche wayuoda, familiari nostro vi obtinuisset et in eodem gentem suam pro conservatione reliquisset nosque percepta huiusmodi annotati Bayzath tirannica saevitate, nostra valida cum potentia adobviandum temeritati ipsius Bayzath et ad defendendum ipsas partes nostras, praesertim praedictum castrum minoris Nykapolis expugnaturi properassemus eodemque Bayzath ipso nostro adventu sentiente retrocedendo ipsumque castrum minoris Nykapolis de manibus suae gentis expugnas-