Nagy Gyula: A nagymihályi és sztárai gróf Sztáray család oklevéltára. I. (Budapest, 1887.)
íjnfebr. 2. dimembratum reliquisse, ac mille marcarum dampna in eadem intulisse, et his peractis maleficiis in easdem possessionarias portiones eorumdem et dictorum filiorum Erdew in dicta Gedy habitas, ipsos contingentes, regressum habuisse proponentibus, prenominati Johannes et Rophayn filii Erdeu, se et dictum Paulum fratrem ipsorum in premissis innocentes fore penitus et immunes allegabant. Cum itaque prenominatis filiis Petri premissam eorum assertionem in facto dimembrationis patris ipsorum et illationis dampni mille marcarum, contra ipsos filios Erdeu, quinto die ipsius adiudicationis in capella regia coram comite capelle eiusdem, testimonio quo evidentiori et solempniori possent, ut assumpserant, comprobare nostra iudiciaria sententia decrevisset, tandem prelibatis magistris Thoma et Pethew filiis Petri personaliter ab una parte, et pretactis Johanne ac Rophayn filiis Erdeu filii Itemeri similiter pro se propriis eorum in personis, pro ipso vero Paulo fratre ipsorum cum sufficientibus et legitimis procuratoriis literis memorati capituli Agriensis patentibus, parte ab altéra coram nobis constitutis, propositum extitit per eosdem communiter et relatum ministerio vive vocis, quod ipsi interveniente compositione et ordinatione venerabilis in Christo patris domini Herrici miseratione divina episcopi Wesprimiensis, auleque domine nostre regine cancellarii, magnificorum baronum Demetrii magistri tavarnicorum domini regis, Thome voyvode Transsilvani et comitis de Zonuk, Johannis bani de Machow comitis Syrimiensis, de Wolkou et de Baach, magistrorum Donch comitis de Zolio et de Kamarum, Ladislai et Enardi comitum Nitriensium, Nicolai filii Stephani comitis Zaladiensis, Nicolai dicti Treuttul comitis Posoniensis, et aliorum quamplurimorum proborum virorum, ut omnis rancoris, invidie, ire et discordie fomes ac litis matéria de medio ipsorum radicitus extirpetur, et eterno pacis favore ac sincere dilectionis oblectamine, utpote pacis alumpni, corda conciliantes turbata, se valeant amplexari, super omnibus premissis et premissorum singulis, ac aliis quibusvis dampnis, nocumentis, iniuriis, inimicitiis, et generaliter universis maleficiis quovismodo inter ipsos usque nunc habitis et illatis, ad talem perpetue pacis devenissent unionem et devenerunt coram nobis: quod iidem filii Erdeu referentes se in premissis acquisitionibus dictorum filiorum Petri, que testimoniali productione debebant comprobari, fore reos et culpabiles, premissam totalem possessionariam portionem quondam dicti Nicolai de Gedy filii Albeus in eadem Gedy habitam, ac universas possessionarias portiones olim quorum-
