Nagy Gyula: A nagymihályi és sztárai gróf Sztáray család oklevéltára. I. (Budapest, 1887.)
Patak, ij/2.jul. 20. I. Károly király Nagymihályi Lőrincz fiának Gergelynek a Trencséni Csák Máté ellen vívott harczokon, nevezetesen a Kassa melletti (rozgonyi) ütközetben szerzett érdemeiért, nagymihályi birtokára vámjogot adományoz. Karolus dei gratia Hungarie, Dalmatie, Croatie, Rame, Servie, Lodomerie, Gallicie, Cumanie, Bulgarieque rex, omnibus Christi fidelibus, presentibus páriter et futuris, salutem in salutis largitore. Regie maiestati congruit, uniuscuiusque servitiorum merita pensare fidelium, et respondere regalium premiorum antidoto, ut fidelia servitia exercentes in suis factis fulciantur, ceterique eorum exempla sequentes ad fidelitatis opera invitentur. Proinde ad universorum notitiam, tam presentium quam futurorum, volumus pervenire harum cum tenore, quod consideratis fidelitatibus et servitiorum meritis magistri Gregorii filii Laurentii de Nogmyhal, dilecti et fidelis nostri, in muitis nostrorum negotiorum articulis per ipsum nostre serenitati factis et illatis, et specialiter dum Demetrius filius Nicolai infidelitatis rabié infiatus, cum suis omnibus, et adiuncta sibi totali potentia Mathei de Trynchun, nec non Johannes et alii filii Omodei simul cum eisdem contra nostram maiestatem hostilibus gressibus procedentes, prelium seu conflictum circa Cassam commiserunt et intulerunt, ubi divina suffragante gratia, et beatorum regum auxilio seu interventu mediante victoriam obtinuimus triumphalem, tunc predictus magister Gregorius duris fortune casibus se opponens, laudabiliter in regia fidelitate mori desiderans, bellico sudore perfusus, sanguine sui corporis consparsus, in aspectu nostre serenitatis laudabiliter dimicavit; cuius fidelia servitia dum consideramus, ad regie dilectionis libamina invitamur sibi facienda; et licet cum maiori remuneratione suorum fidelium servitiorum ipsi magistro Gregorio respondere teneamur, tamen in signum uberioris dilectionis et memóriám, sibi et per eum suis heredibus hanc gratiam iure perpetuo duximus faciendam: quod in eadem possessione sua NOGMYHAL vocata, dedimus ei tributum exigendi facultatem; habito tamen consilio nostrorum fidelium baronum, videlicet Kopoz palatini, domini Stephani Wesprimiensis episcopi, auleque domine regine consortis nostre karissime cancellarii, domini Hemrici Waradiensis, ac domini Martini
