Nagy Gyula: A nagymihályi és sztárai gróf Sztáray család oklevéltára. I. (Budapest, 1887.)
simili modo ad communem usum reliquissent inter se possidendam. Item quandam aliam magnam silvam eorum inter fluvios Zuchugo et Ribniche, ac quandam semitam existentem, et usque ad metas cuiusdam possessionis Palowch vocate se extendentem, ipse partes similiter ad communitatis utilitatem reliquissent possidendam. Hoc etiam non pretermisso, quod de universis vineis sub castro ipsorum Noghmihaly existentibus, cuilibet parti sua propria vinea cessisset possidenda, tenenda, pariter et habenda. Vias autem publicas et stratas seu semitas, per quascunque possessiones, portiones possessionarias, predia et terras ipsorum quocunque nomine vocitatas ducentes et transeuntes, sibimet ipsis, iobagionibus suis et universis incolis in dictis possessionibus et portionibus possessionariis ipsorum commorantibus, ire girare transire, et per easdem quocunque voluerint meare, parili ívoto) et voluntate unanimi, mutuo et mutua vicissitudine liberam inter se concessissent et prestitissent facultatem. Item molendina eorum in dicta possessione Vinna super fluvio Tuchnen constructa et adiacentia, edificiisque decorata, ipse partes taliter inter se divisissent, quod quoddam molendinum Adammolna vocatum cum alio molendino Vezekfya-Ivanusmolna nuncupato dictis filiis Andree et heredibus suis, molendinum vero Kuchkfyamolna vocatum, inter dicta duo molendina super eodem fluvio existens et constructum, eisdem filiis Jakow et heredibus eorum ipse partes reliquissent possidenda, tenenda, pariter et habenda ; ita tamen, quod nulla predictarum partium, in preparatione, integratione et renovatione clausurarum eorumdem molendinorum, eo tempore quo easdem preparari et integrari necessarium fuerit seu opportunum, aliam partém ullo unquam tempore posset vei valeret prepedire. Quas quidem divisiones et metarum distinctiones sepedicte partes, prout preallegati regii et noster homines nobis ut premissum est recitarunt, pro rato grato atque firmo habuerunt, et easdem inter se in perpetuum conservare assumpserunt. Dátum feria secunda proxima ante octavas diei medii Quadragesime, anno domini M. ccc. xxx-mo sexto. Kívül: Super facto divisionis possessionum filiorum Andree filii Jakow intra nominatorum et Andree ac Ladislai filiorum Jakow, in comitatu Wngh existentium similiter intra specificatarum, et distinctionibus metagr. Sztáray Oklevéltár. 1. köt. I > mart. ii.
