Iványi Béla: Eperjes szabad királyi város levéltára. 1245-1526. (Szeged, 1932. Acta litterarum ac scientiarum Reg. Universitatis Hung. Francisco-Iosephinae. Sectio iuridico-politica. Tom. 2.)

auszseczen: hinfwer auch czw eyner gerechtikait yn mit gébén und vorlayen, worhaftig mitgeben und vorlayen, durch sy vorderlich und durch alle yre nochkoemmling onvorrecklich und ewiclich czwhaldenn, darnoch sich eyn iczlicher egenclich wisse czwregiren was er hynfwer yn dysz czeche vorbrengen ader lassen sal und mayden. Czwm ersten, welcher erbarer der yn dysze loebliche Bruderschaft ader Czeche treten und dy aufnemen wil, der sal bey dysz koeniclichen erbaren Stadt gesessen seyn, darczwy seyn kontschaft brieffe der worhayt noch loeblicher gewonheit von wannen er bwertig und das er eelichen gebaren sey auírichticlichen, und wy er sich gehalden hab, niderlegen sal. So er das verderlich vor dem erbaren Rath, hernocher auch vor dysz Czeche wirth gethan habén, als denne sal er noch altér loeblicher gewonhait und auszsaczung dysz Czechen und czw merung Qotis dinst und des hochwircigen hayligen Crewces XI] gulden niderlegen und alsó hernocher aufgenommen sal werden. Weyter habén wyr gestift und geordent, das an iczlicher der dysz Czechen gerechtikait hot und braucht, der sal alle nochfolgende quatemper den. II yn der czait des eynganges der brweder eynlegen bay der geharsamkait und busse, so aber yrkeyner dy nemlichen den. II eyn ganczes jar rwemher nicht vorsagte eynczwlegen man adér witbe, dy vorliszen allenthalben dy czeche. Hy bey ist swenderlich und egen czw mercken, das an iczlicher Melcber ader byr brayer sal secke habén drithalb elen lang und eyner elen und hant breth, und nicht lenger ader breter on der der busse noch erkentnisz der Czech Mayster, welcher aber nicht hot an egen Melczhausz ader eyn besunder teyl mit anderen, der sal das Malcz kauffen yn den Stadt Mwelen ader von den dy besundere und eygene Melczhaysz habén und mit nicht yn gemitten ader frendenn Melcz hayseren malcz machen sal, und so yrkeyner anderswo byr brayet und nicht an eygen ader besunder brayhawsz het, als den sal er das byr yn seyn hausz tragen ausz cswschencken und czw vorkauffen noch seynen besten und nicht wo er ysz gebrawen hot, ader yn yrkeynen anderen hawsze.*) *) Ide, a következő mondat elé más írással a „sal nix" szavak betoldva. 2i