Iványi Béla: Eperjes szabad királyi város levéltára. 1245-1526. (Szeged, 1931. Acta litterarum ac scientiarum Reg. Universitatis Hung. Francisco-Iosephinae. Sectio iuridico-politica. Tom. 2.)

ward zu voraus durch

; des willen, daz wir unsern lieben vettem kunig Lasslawcn von uns in solhem hindergang nit schaiden wolten, als uns das auch nit zymet nach dem und alle zwitrecht bisher sich von seinen wegen erhebt habén. Zum lessten habén unser lanndschafft und stete uns erboten zu volkoemen rechten umb all zuspruch als oben gemelt ist, fur unsern heiligen water den Babst obgenantt, und das wirdig collegium seiner Cardinael auch mit notdurfftiger versorgnuss, das alles hat aber nit furgetragen, sunder der obgenant Huniad Jeanusch hat mit demselben volkhe uber all solhe unser gleiche erbere und redlich erbiettung furbas geczogen, und das egenant unsers lieben vettem kunig Lasslaws lannd Oesterreich der doch sein und ewer naturlicher herr ist, den er auch in seinen briefen selber alsó nennet und schreibet, heaffticleicher angegriffen und wider Qot und Recht und alle unser gleiche erbiettung menigere desselben lannds zirleich mearkcht und dorffer, die er berurt hat mit flammen des íewrs verczeret und mit plutigem swert und mort, nit schonend frawen noch kinder und das den getrewen gelaubigen noch swerlicher zu horen ist, des heiligen fronleichnam unsers herren Jhesu Kristi aller wirdigists sacrament in den kirchen und ettlichen ennden von dem altar genomen und auf die erd ausgossen geschüttet und jeamerlich zerstrewt, das alles wir ew darumb habén wellen verkunden,, daz ir lautter vernémen mugt, durch was freuenlich durstikait solh misstat so grawssemleich und unmenslich sind volbracht worden, und ob solh sach villeicht anders an ew kemen, daz ew doch dise worhait wissend were ew auch unverporgen beleib, daz nit wir sunder der egenant Huniad Jeanusch und sein beileger solhe uebel wider Got ere recht und alle pilleichkait, durch seinen lauttern frevel und aigen mutwillen furgenomen und gehanndelt hat. Qeben zu Wienn an mittichen vor der heiligen dreier kunig tag. Anno Domini etc. quadragesimo septimo, unsers reichs im sibenden jare. Commissio domini regis per consiliarios. Kívül: Den erbern weisen unsern besunderlieben dem richter den gesworeu burgern und der ganritzen gemayn der Stat zu Epries. Eredetije papiroson, kívül vörös viaszba nyomott zárópecsét töredékével. — Levéltári száma: 232.