Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 7. (Budae, 1842.)

concubia cum Joannae coniacerei, ab vno ex coniuratis euocatus, vt Neapolim quam totius properaret, aliquid accidisse, quod aduentum exposceret. Statim atque ille thalamo reginae exiuit, ostio a cubiculario Joannae aspessulato , exclusus in manus coniuratorum Caroli Artosy, Roberti Cabani Mareschalli, Nicolai Mirizani , cubiculary, et comitum Turlisy, Leonestae, et Stellae incidit. Hic laqueum ab Joanna olim tortum Andreae collo iniecerunt, et trabi appensum pedum attractione in momento strangularunt, strangulatumque a fenestra in subiectum hortum eiecerunt; cogitantes per noctis obscurum sepelire, remque aliqua ratione occultare. Ad casum deiecti cadaueris excita aliqua cubicularia, gente pannonia, conclamauit et coniuratos in fugam ex timore coniecit. Joanna porro, vt a se crimen occisi mariti amoliretur, Neapolim summo mane reuertit, et post eiulatus muliebres , vniuersis regni Proceribus coram, et per literas imprimis Clementi Pontifici, et Ludouico Vngariae regi, dinde reliquis Principibus Christianis, innocentiam suam ostendere contendit, Ludouicus autem nequicquam eius excusationes admisit, sed vnica breuique epistola facinus ei exprobrauit. Exequiarum genus aliud, quam regium , Petrarcha memorabat. Namque aliquantum in horto fenestris subiecto insepultum ca" daver ad ludibrium iacuerat; neque quicquam Joanna de illo sepeliendo decreuerat. Vrsus Minutolus, Canonicus Neapolitanus, miseratione motus, illud aere collato Neapohm transtulit, in Calhedrali Basilica in Oratorio Diuo Ludouico dicato, deposuit. Diutius in ignobili Sarcophago iacuerat, donec superioribus annis Franciscus Capieius Abas ei tumulum candido marmoreum erexisset, et epitaphium inscripsit, quod adiungo :