Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 7. (Budae, 1842.)

Capiiulum Scepus. literas Nicolai, Episcopi Agriens. libertates Parochorum de Scepus concernentes nouiter transumit. A. 1345. Nos Capitulum Ecclesiae Beati Martyris de Scepus. Memoriae commendantes tenore praesentium significamus quibus expedit Vniuersis : Quod in nostri constituti personaliter praesentia Discreti viri et Domini Andreas de Sancto Georgio, et Michael de Berthold, Ecclesiarum Plebani, suo et omnium singulorum consociorum suorum , Plebanorum et Rectorum Ecclesiarum , in Archidiaconatu Saaros adjacentium, exhibuerunt Nobis quoddam transumptum Literarum, infra describendarum, sub sigillo impendenti Venerabilis Patris, et Domini Nicolai, miseratione Diuina et Apostolicae Sedis gratia Episcopi Agriensis, transumens Literas easdem; petentes cum instantia, vt ob maiorem et firmiorem rei euidentiam, vpsum Transumptum, et seriem verborum in eodem contentorum, Literis nostris inseri, nostroquesigillo consignari faceremus; cuius tenoris est: Nos Nicolaus, (V. supra ad annum 1338). Nos igitur iustis consonis, et ad auditionem auris admittendis petitionibus dictorum Dominorum Andreae et Michaelis fauorabiliter inclinati, dictum Transumptum non abrasum, non cancellatum, non abolitum, nec vitiatum, de verbo ad verbum praesentibus inseri fecimus, et sigilli nostri appositione propter maiorem rei euidentiam consignari. Datum feria — proxima ante Festum Beati Martini Confessoris, Anno Domini Millesimo Trecentesimo quadragesimo quinto." E transumto eiusdem capituli ad instantiam honorabilis viri, Magistri Nicolai, Canonici Ecclesiae Quinque-Ecclesiensis