Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 4. (Budae, 1834.)

CCLXXXVII. An. Ch. 1373. Idem Ludouicus ciuibus de Cibinio ceram <sub pura liquefactione infusam, Albam vel etiam Viennam venditionis aut commutationis gratia deferendi facultatem impertitur. Nos Ludouicus, Dei gratia rex Hungariae, Poloniae, Dalmatiae etc. significamus tenore presentium, quibus expedit, vniuersis: Quod nos sicut pro fidelibus et gratuitis famulatibus fidelium ciuium et Saxonum nostrorum de Cibinio partis Transjluaniae per eosdem nostrae celsitudini feruenti deuotione exhibitis et impensis, sic non minus pro vtilitate et commodo eiusdem ciuitatis nostrae ciuibus et bospitibus nostris de eadem huiusmodi gratiam et Iibertatis praerogatiuam duximus de innata nostrae regiae Jiberalitatis munifica clementia faciendam et largiendam: vt iidem ciues nostri a modo in antea ceram sub pura liquefactione infundendi, et sub impressione sigilii seu signi eiusdem Ciuitatis quocunque in regno nostro voluerint, et signanter in Aibam regalem venditionis causa deferendi, ipsamque ceram absque iterata liquefactione tam nostris regnicolis, quam extraneis mercatoribus, quibus maluerint, venditioni exponere vel commutare liberam et absolutam habeant facultatem; vbi vero in casum ipsam ceram ibi Albae veuditioni exponere non possent et non valerent, tunc eandem ad vendendum et commutandum in Viennam deferre valeant atque possint, harum sub nostrae Maiestatis testimonio litterarum. Datum in Vyssegrad feria sexta proxima ante Dominicam Oculi. Anno Domini Millesimo trecentesirno septuagesiino tertio."