Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 4. (Budae, 1834.)

CLXXIX. An. Ch. 1371. Idem Ludouicus decimas Ecclesiae Arbensi dependi praecipit. Ludouicus, D. gr. Rex Vngariae et Poloniae, fideli suo dilecto, Magnifico viro, D. Petro de Bellant, Comiti Bosuanae et Prouedictori, vel officialibus suis, in Comitatu de Licha et Busana constitutis salutem et gratiam. Fidelitati Vestrae, sicut per hominem nostrum specialem et litteras nostras quam plures mandauimus, sicut et per praesentes damus in mandatis, quatenus visis praesentibus, fideli nostro, dilecto vener. in Ch. P. D. Grisogono, Episcopo Arbensis Ecclesiae, vel eius officialibus, decimas ipsius Ecclesiae vbique pacifice et quiete, exigi facere permittatis, et permitti faciatis in dictis prouinciis vestris Lichae et Busanae. Ideoque vos in easdem decimas, quas Altissimus in suum patrimonium praeelegit, non intromitatis, ipsum et suos officiales nullatenus impediendo, vel molestari faciendo in hac parte; quin potius praemissas decimas dicti D. Episcopi integraliter per suos subditos persolui et administrari faciatis, et ad faciendum nostrae gratiae intuitu vos volumus obligare; litteris nostris quibuscunque per quondam venerabilem virum D. F. Valentinum, Corbauiensem Ecclesiae electum, illegitime impetratis, vel per quempiam in posterum impetrandis, non obstantibus, contra formam praemissae nostrae comissionis; quibus praesentibus censuimus derogare. — Datum Budae feria V. proxima post Dominicam Beminiscere. Anno Domini M. CCC. LXXI." Ibid. p. 14. Fuit Episcopatus Arbensis patronatus priuati; ideo in Diploraatibus regiis subscriptus non legitur.