Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 4. (Budae, 1834.)

legentes et studentes ibidem omnibus priuilegiis, libertatibus et immunitatibus concessis Doctoribus legentibus, studentibus, commorantibus in studio generali gaudeant et vtantur , quodque Episcopus Quinqueecclesien.j qui pro tempore fuerit, vel Ecclesia Quinqueeccles. pastore carente Vacarius seu Officialis dilectorum filiorum Capituli ipsius Ecclesiae promouendos in dicta Ciuitate ad Doctoratus seu Magisterii honorem in illa facultate, in qua fuerit examinatio facienda, iuxta modum et consuetudinem in talibus obseruatos examinare studeat diligenter, eisque^ si ad hoc sufficientes et idonei reperti fuerint, docendi licentiam tribuat et honorem huiusmodi concedat; ac voluimus, quod Magistris et Doctoribus, qui in huiusmodi legunt studio, per Regem Vngarie pro tempore existentem in competentibus stipendiis prouideatur. Alioquin prefate nostre Littere nullius essent roboris vel momenti, prout in eisdem nostris litteris plenius continetur. Cupientes igitur, ut tam incole, quam alii praedicti in eadem Ciuitate causa huiusmodi studii moraturi utilius prosperentur, volumus ac serenitatem tuam, quam votis nostris conformem speramus et credimus in hac parte, rogamus et hortamur attente, quatenus omnia et singula priuilegia huiusmodi per te, vt premittitur , concessa ratifices et confirmes, et si expediens fuerit, alia de novo Doctoribus Magistris et Scolaribus huiusmodi regia liberalitate concedas, illaque tam concessa, quam concedenda stud^as obseruare et facias ab aliis, prout honori tuo conuenit, inuiolabiliter obseruari. NuIIi eigo omnino hominum liceat hanc paginam nostre voluntatis infringere, vel ei ausu