Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 2. (Budae, 1833.)

quum his, quae ad palrocinium sanctae matrisEcclesiae pie translata, et diuino cultui exstiterunt dedicata, consensum adhibere primum est, et viae salutis directiuum ; quia Ecclesia Beati Pauli Apostoli Bachjensis praenotata, igne inopinabili in vigilia festi Beatorum Philippi et Jacobi ApostoJorum, cuius nunc quarta praeterisset reuolutio annualis, damniferum incendium passa, complurima litteralia instrumenta, super possessionibus praedictae Ecclesiae Bachyensis emanata, ibidem existerunt exusta; vt ex Magistrorum Ladislai Praepositi, et Petri Custodis, eiusdem Ecclesiae Baclijensis querulosa, aliorumque quam plurimorum fidelium nostrorum relatione percepimus ; ideo nos nolentes, quae sanctae eleemosynae per pios progenrtores nostros olim illuslres reges Hungariae et alios Christicolas ipsi Ecclesiae elargitae sunt, nostro tempore depereant et perdantur; salutiferae spei nostrae incitati eidem Ecclesiae dono gratiae nostrae annuimus, vt vniuersas possessiones et possessionarias portiones praedictae Ecclesiae Bachyensis, quas ipsa ecclesia et per consequens Archiepiscopus Colocensis, Praepositus et Capitulum dictae Ecclesiae Bachyensis a tempore triginta duorum annoruin iam elapsorum legitima praescriptione praecedentium vsque huc pacifice nomine iuris praelibatae Ecclesiae Bachyensis iusto iuris titulo possedisse et possidere, ac in quarum dominio ad praesens sine litigiosa contestatione et lite existere dinoscuntur, de regiae potestatis plenitudine, ac de consensu et beneplacita voluntate Serenissimae Principissae, Dominae Elisabeth, inclytae reginae Hungariae, Genitricis nostrae charissiuiae, ac consensu Praelatorum et