Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 1. (Budae, 1833.)

nostri Siciliae infidelibus, in suam societatem applicatis, confidens in suae gentis multitudine, ipsum Steplianum Waywodam cum tota gente sibi adiuncta, in contumeliam nostri regy honoris penitus exterminare volens, in area ad certamen belli prius per ipsum Stephanum Wajuodam in contrarium ipsius Ludouici praeparata, belli certamen commisit, vbi idem Stephanus Wayuoda , zelo deuotae fidelitatis armatus, volens potius post mortem viuere per famae gloriam, quam tergum hostilitati huiusmodi vertere, se obiicit, et ibi sonis bellicis vtrinque hostiliter perflatis, ante ciuitatem Neapolitanam acerbissime praeliarunt, quod quidem praelium, etiam apud Troianos fortissimospotuisset decenter commendari; sed quod plura, ille siquidem supernus opifex, qui fidelibus dexteram praebet, et Iustis auxilii sui commodum procul ponere non nouit; victoriam memorato Stephano Wayuodae ab hostibus desideratam dignepraebuit reportare. Vbi superbi perierunt, fortes et bellicosi corruerunt,et infideles, quorum non est numerus , languidi iacuerunt, lethalis gehennae guslantes potum, marcescibilem perenniter et in aeuum. In quo quidem praelio ingenti praefatus Stephanus leonino accensus robore, quamplures Magnates, Barones, et potiores milites partis aduersae triumphaliter captiuauit, partem aduersam penitus debellando. Deinde idem Stephanus Wayuoda solitae fidelitatis insistens feruori, quam plures validissimas ipsius Lodouici expeditiones multifarie , multisque modis debellauit et ciuitates plurimas expugnauit, et grandia et horrenda personarum pericula eidem Lodouico adhaerentibus irrogauit; vt certa relatio nobis haec o-