Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 1. (Budae, 1833.)

ficiorum statu, compossibilitate, vnione et convictione, absque vlla, possessionisque huiusmodi inquietatione, sicuti inuenit, dimitteret permanere. Super quibus et omnibus articulis, multisque obiectis etiam per eumdem Dominum Praepositum eidem commuuiter et diuisim impositis hinc et inde, coram eodem Domino nostra Archiepiscopo multipliciter disputatis, tandem cum pro ponenda, et facienda compositione inter eos eadem causa, per eundem Dominum nostrum Archiepiscopum nobis specialiter fuisset commissa; Deo, pacis authore, et multis aliis probis viris vtriusque partibus concordiam diligentibus, hoc procurantibus, taliter inter se concordarunt; Quod supra dictum Capitulum per suos Procuratores promisit eidem Domino Praeposito, quemadmodum etiam alii de iure deberent et tenerentur, propter administralionis intuitum, et rationem omnimodam exhibere et seruare, obedientiam, reuerentiam, et honorem, sicut Praelato eorum, de quibus tamen tribus supra dictus Praepositus ipsos, quod sibi non impendissent, accusabat. E conuerso autem saepedictus Dominus Praepositus assumsit et promisit eos fraternaliter diligere, ratione administrationis vero ipsos fauorabiliter tractare, verbis illicitis, sicut nec vnquam fecerat, prout idein allegabat, nunquam inficere. Et generaliter eos in eodem statu, gradu, diguitate et conditione, honesta tamen licita et legitima, prout eos inuenit, conseruare; nulla immutatione, ac nouitate introducta; specialiter autem praefatum Dominum Petrum Custodem, assumpsit et promisit iu integritate custodiae, et suorum beneficiorum, omniumque eorumdem frucluum, reddituum, et