Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 1. (Budae, 1833.)

CCVIII. An. Ch. 1346. Idem Clemens similia , ac <jnud Caroli Martelli pupillum sit curaturus , Reginae Elisabeih rescribit. Clemens —„carissimae in Christo filiae Elisabeth, reginae Vngariae illustri. Quia sicut alias scripsisse magnitudini tuae meminimus, iuris non patitur aequitas, nec ratio persuadet, quod exsequutio cognitionem praecedat; mirari non debet tua circumspectio , nec est horrendum auditui, si Ioanna, donec conuicta et condemnata de iure fuerit, nominetur regina; immo, si fieret aliter vel regni administratio, quousque per sententiam illo priuata existeret, amoueretur ab ipsa , et eoncederetur alteri ; eidem irrogaretur procul dubio iniuria manifesta. Et quamuis credas, filia praecarissima, impossibile, et apud aliquos dilficile asseras reputari, quod infra regnum Siciliae posset dicta iustitia ministrari; s<nre tamen tuam ppudenliam volumus, quod Ecclesia Romana praedicta, maiora, et magis difficilia, quam sint ista , et in illo regno, et in aliis fecisse, noscitur et ad effectum plenarie deduxisse. Et quamquam modus, quem dicta Iohanna mortis tempore, et post mortem dicti Andreae regis, viri sui, scribitur obseruasse, commendandus procul dubio non existat; scire tamen debet tua excellentia, quod Ecclesia Romana praedicta, quae veritatem quaerit et iustitiam in omnibus factis suis, non consueuit, sicut nec debet, praesertim in tanto casu, ex praesumtionibus iudicare. Porro super custodia pueri supra dicti (Caroli Martelli) diligentiam f quam potuimus, adhiberi fecimus hactenus et facere intendimus ; ac super hoc, quum rem no-