Fejér, Georgius: Codex diplomaticus Hungariae ecclesiasticus ac civilis. Tomi IX. Vol. 1. (Budae, 1833.)

significamus, quibus expedit vniuersis: quod nos attendentes regum et Principum gloriam in multitudine populorum — — — — — — hac itaque consideratione ducti, fidelibus populis et hospitibus noslris de Podolin ad humilem eorumdem supplicacionem nostrae Maiestati porrectam, vt iidem numero et fidelitate augeantur, huiusmodi gratiae praerogatiuam duximus faciendam, atque concedendam, vt iidem tamdiu, donec eorumdem numerum ad instar ciuium et hospitum aliarum ciuitatum nostrarum multiplicari competenter fore agnouerimus , pro collecta eorum annuali, et debito triginta marcas, ad computum Scepusiensem, et non plus, in duobus terminis annis singulis occurrentibus, videlicet dimidietatem earumdem raarcarum , quindecim videlicet marcas computi totidem in festo Pentecostarum , deinde consequenter aliam medietatem earumdem, modo scilicet simili, quindecim marcas in festo Beatae Mariae subsequenti Nobis dare et soluere teneantur; quibus datis et solutis , ab omni datione et solutione aliarum collectarum dandarum, respectu terragiorum, exactionum penitus et per omnia exempti habeantur, praesentium litterarum nostrarum serie mediante. Datum in Wissegrad y in Dominica proxima post festum Ascensionis Domini. Anno eiusdem millesimo , trecentesimo, quadragesimo quinto. " Ex originali.