Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 7. (Budae, 1842.)

% L. Caput VIII. Concilii Poson. de matrimoniis mixtis A. 1309« Ne aliqua fidelis alicui infideli matrimonio copuletur, vt fides catholica, quae scissuram erroris cuiuslibet aspernatur, nullius schismatis vel fermento prauitatis haereticae maculetur, de consilio et assensu praesentisconcilii perpetuo prohibemus edicto , vt nullus nostrae legationis subiectus, qui vult reputari et haberi catholicus, praesumat de caetero haeretico, Patareno, Lazaro , schismatico, vel alteri fidei christianae contrario, maxime Ruthenis, Bulgaris, Rascis, Littuanis in errore manentibus, qui sicut fide dignorum testimonia praestantur, in diminutionem catholicae fidei, opprobrium Christi, et sacrosanctae Romanae Ecclesiae, quae est verae fidei fundamentum, non solum baptismatis reiterant sacramentum, verum alia catholicae ecclesiae salutifera sacramenta damnabiliter contemnentes , habent despectui ipsorum; veritatem,in qua fidelibus datur salus, abnegant, et eis diuersis modis et variis iniuriam irrogare conantur; filiam, neptem, consanguineam suam connubio tradere, vel eas eis modo aliquo copulare, cum hoc sit in praedictae fidei christianae detrimentum non modicum et iacturam. Nam sicutdidicimus ab experto , viri ab vnitate fidei calholicae separati, vxores suas quantumuis catholicas , instigante Diabolo ad infidelitatis errorem trahunt, potius quam trahuntur. Qui vero contra inhibitionem praesentem filiam, neptem, vel consanguineam suam praedictis pestiferis hominibus, qui quantum in eis est, fidem calholic., sine quanullus omnino saluatur, nituntur confundere, dederit, vel danti consenserit, vel ex proposito et scienter huiusmodi scelestis nu-