Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 4. (Budae, 1832.)

tio non permitteret, distare noscantur. Praesentibus vsque ad decennium tantum modo valitnris. Datum Auennione II. kalend. Nouemb. anno IV." Wadding 1. c. CLVII. Atu Ch. 1338. Idem Benedictus Praecones fidei Tartarororum Imperatori commendat. Magnifico Principi, Imperatori Imperatorum omnium Tartarorum, gratiam in praesenti, cjuae perducat ad gloriam in futuro. Quamuis commissa nobis desuper vniuersi cura gregis Dominici nos circa multa diuersa distrahant; lioc tamen praecipue votis feruentibus exquirimus, et assiduis orationibus a Domino postulamus, vt ipse, qui est lux vera, omnem hominem venientem inhunc mundum illuminans, eos, qui extrasanctam Catholicam et Apostolicam Ecclesiam regimini nostro commissam ambulant in tenebris, sic lumine suae claritatis irradiet, et largissime praeueniat gratia pietatis, quod de cordibus ipsorum profugata errorum caligine, ac in eis verae fidei rutillante fulgore, Deum cognoscant veraeiter, et adorent; tandemque per gratiam diuinam in ouili Dominico, extra quod non est ei gratia , neque salus, inclusi, aeternae beatitudinis gloriain, quam humanus intellectus capere non sufficit, consequantur. Ideoque dudum iucunda mente, facieque serena missos ad praesentiam nostram tuae Celsitudinis nuncios, et litteras ab eis nostro Apostolatui repraesentatas recepimus exultanter ; et quia per eosdem nuncios et litteras percepimus euidenter, te ad nos, et eamdem Ecclesiam magnam habere deuotionem, velleque no-