Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 3. (Budae, 1832.)

testimonium transmisso ad dictarum possessionum, pro ipsis centum et viginti marcis oppignoratarum redemtionem iam dictos filios Ioannis et Salomonis, contra ipsum Dominum Praepositum in suae benignitatis praesentiam ad octauas Beati Martini Confessoris iam praeteritas, diligenti ammonitione praehabita , vocari publicando eisdem, vt si venire, et dictas possessiones redimere non curarent, extunc robore sui priuilegialis instrumenti, praememorato Domino Endre Praeposito, dictas possessiones perpetuo possidendas stabiliret et confirmaret, iure et legitime fecisset, iidem filii Ioannis et Salomonis ipsis octauis occurrentibus praescripti Domini nostri regis tribunal omni munificatae (?) et aequitatis tramite nobis sedentibus, venire, aut aliquem pro se destinare non curarunt; Procuratore ipsius Dom. Praepositi legitimis diebus coram nobis expectante ; et sic alterius iudicii pondere extiterunt onerati. His enim peractis et iransactis cum idem Dominus Praepositus sui iuris cupiens esse executor, ad diem cinerum, anno in praesenti praeteritum , praelibatos filios Ioannis et filios Salomoriis contra se in regiam praesentiam per hominem Domini regis, praesente testimonio dicti conuentus, condignae citationis modum obseruando, in Possessione eorum Harkal nominata, vocari fecisset, ipso termino accurente, Ioannes, filius Pauli de Vogod, pro ipsis Stephano, Gegeu, et Philippo, filiis Joannis, cum procuratoriis litteris Dominae reginae patentibus, et generalibus , et Kopasz, filius Salomonis, pro se et pro dicto Ioanne fratre suo, ab vna parte; idemque Dominus Praepositus, propria in persona ab altera, in dicto termino diei cinerum coram nobis