Fejér, Georgius: Codex diplomaticus Hungariae ecclesiasticus ac civilis. Tomi VIII. Vol. 1. (Budae, 1832.)

bonoi um ordinatio et dispositio ad honorem Dei, augmentum fidei, exaltationem Ecclesiae, dictae terrae subsidium, salutem quoque fidelium et quietem, salubris et vtilis perueniret. Postque vtique longa , praemeditata, prouisa et matura consilia, suadentibus plurimis iustis causis , nostra et dilectorumfratrum, nec non Patriarcharum, Archiepiscoporum, Episcoporum , et aliorum Praelatorum, ac excelientium et illustrium personarum praedictarum in conciiiotunc praesentium deliberationes et consilia in hoc finaliter resederunt; vt praedicta bona ordini hospitalis S. loannis Hierosolymitani, et ipsi hospitali, ac dilectis filiis magistro et fratribus hospitalis eiusdem, nomine hospitalis et ordinis eorumdem, qui tamquam Athletae Domini pro defensione fidei se periculis mortis iugiter exponentes, onerosa nimis et periculosa dispendia continue perferunt in partibus transmarinis in perpetuum vnirentur. Nos igitur inter, cetera mundi loca , in quibus vigere dignoscitur obseruantia regularis, dictum ordinem hospitalis, et ipsumhospitale sincerae charitatis plenitudine prosequentes, ac attendentes , quod, sicut euidentia facti in eo Diuinis obsequiis feruenter insistitur, pietatis et misericordiae opera vigilantibus studiis exercentur, fratres hospitalis ipsius mundanis spretis illecebris, deuotum impendentes Aitissimo famulatum , ac pro recuperatione terrae praedictae tanquam intrepidi Christi pugiles, se feruentibus studiis et desideriis intendentes, quaelibet ducunthumana pericula iri contemptum; considerantes quoque , quod ex hoc tanto eorumdem Magistri et fratrum, dictorum ordinis hospitalis, crescet strenuitas, animorum feruor augebitur, et ipsorum roborabitur