Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 5. (Budae, 1841.)

Proto Rex Hangariae Stephanus Servientibus Ecclesiae Colocensis libertates, et immunitates largitur. Circa Annum 1002. Ad Universorum tam praesentium, quam futurorum notitiam liarum serie volumus peruenire. Quod Antonius , filius Egidii de Zentkiraly, Paulus filius Mitke, et Nicolaus, filius Michaelis de Draagh, Praediales, seu Nobiles Ecclesiae Coloczensis, nostrae Maiestatis accedentes in praesentiam et conspectum,suis et universis aliorum Praedialium eiusdem Ecclesiae nominibus facunde declararunt: Quod quamquam ipsi a tempore Sanctissimi Stephani Regis et aliorum Regum Ungariae, Praedecessorum nostrorum, beatarum recoi dationum, semper certis et limitatis libertatibus et praerogativis usi fuissent, atque freti, tamen nonnulli officiolatus exactiones dationum sumentes, et aliter de personarum qualitatibus et conditionibus censendi occasionem habentes, ipsos quoque inter simplices populos molirentur nominare , illorum ad instar popularium negocia cum ipsis peragere satagendo; supplicantes culmini nostro devocionis humillimo ex affectu, erga ipsos nostrae gratiae liberalitatem benigniter exhiberi. Nos vero, qui ad hoc inter alia, quadam specialitate, regni gubernacula suscepimus, ut circa subditorum statum pacifice ordinatum iugi meditatione voluatur cura nostra; volentes cunctorum, quantum Altissimo permittente possumus, utilium votorum effectibus satiari, et de nostrae largitatis munere consolari, praefatos Praediales, seu Nobiles Ecclesiae Colocensis, in omnibus et singulis eorum antiquis bonis et iustis li-