Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 5. (Budae, 1841.)

in confinio nostri regni iuxta Theutoniam ponere voluisset, et primum fratres tle Abbaliae S. Crucis et totius Conuentus sic poposcit, quod die noctuque Domino famulaturi in oratione alacriter persisterent. Abbas vero cum suis, vt viri discreti, fratres suos denegauerunt, donec cognouissent, vnde totus conuentus stare potuisset. Ad nostram praesentiam accedentes, nobis praesentibus Dominicus Banus ordinauit, vt septem villas eis statueret, quas statuitque; scilicet, villam Menybartb, Myclise, Pereznye, Hukecz, Boron, Scaka, atque Dagh; itatamen, quod defuncto ipso haeres suus de illis villis vnam scilicet sibi eligeret, vt cum illuc veniret, caeteri populi Ecclesiae non molestarentur, sed in ipsa sua villa hospitaretur. Insuper XX. Mancipes suorum cum centum bobus et centum vaccis, atque mille ovibus, nec non trecentas libras ad aedificationem monasterii; ipsi vero benigne receperunt, totum laborem super se assumpmentes, vt anno transacto tertio perfectum Monasterium sibi ostenderent, et si quid superadderet, propria voluntate, non aliquo cogente, daret vel faceret. Vnde pariter nos rogauerunt, vt seriem ordinationis Literis nostris corroboraremus, Nos vero piis petitionibus ipsorum condescendentes, Lileras nostras praesentes sigilli nostri munimine roboratas, tam proplcr Ecclesiam, quam superabundantem malitiam saecularium, eis porreximus modum huius ordinis perpetuantes. Datum per manus Cathapani, Albensis Praepositi, Aulae regiae Cancellarii Anno ab Incarnatione Dom. Millesimo Centesimo nonagesimo quinto. Venerabili Job Strigonien. Archiepiscopo existente, Saulo Colocensi praesidente, Petro Agriensi Episcopo, Calano Quinqueccclesiensi Episcopo, Boles-