Fejér, Georgius: Codex diplomaticus Hungariae ecclesiasticus ac civilis. Tomi VII. Vol. 4. (Budae, 1837.)

LXI. Hungari reliquam quoque Marcfiionatus Austriae partem a monte Caetio usque flumen Lajta perdunt. A. 1045. In nomine sanctae et individuae Trinitatis, Heinricus divina favente clementia rex, omnium Dei, nostrique fidelium tam futurorum, quam praesentium sollers industria noverit, qualiter nos ob interventum, ac petitionem dilecte contectalis nostrae Agnetis reginae, et Heinrici ducis, fideli nostro Sigefrido marchioni centum quinquaginta mansos infra fluvios Phischaha, et Litacha et Maraha, ubicunque inibi nos sibi precipiamus mensurare, in proprium tradidimus sitos in marcha predicti Marchionis cum omnibus suis appendiciis, hoc est areib, aedificiis , terris cultis, etincultis, agris, campis, pascuis, aquarumque decursibus, molis, molendinis, piscationibus, silvis: venationibus, exitibus, et reditibus, viis, et inviis, quaesitis, et inquirendis, cum omni utilitate, quae vllomodo inde poterit provenire. Ea- videlicet ratione, ut prenominatus marchio de praefato praedio Jiberam dehinc potestatem habeat obtinendi, tradendi, commutandi, precariandi , vel quidquid sibi placuerit inde faciendi, et ut haec regiae nostrae traditionis liberalis auctoritas, stabilis, et inconvulsa per succedentium temporum momenta permaneat, hanc cartam inde conscriptam manu propria, ut infra poterit videri, corroborantes sigilli nostri iussimus impressione insigniri. — Signum domni Heinrici tercii regis invictissimi. Theodericus cancellarius vice Bardonis archicancellarii recognovit. Datum Non. Mart. anno Dominice incarnationis MXLV. Indictione XIII. anno autem domni Heinrici tercii, ordinationis ejus XVI. regni vero \ I. actum iNivuenburch, in Dei nomine feliciter. Amen.