Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 2. (Budae, 1830.)

Quod spectat operis ipsius oeconomiam: Singulos operis tomos reliquimus apertos , vt quisquis, fortuna benigniore, latibulis tabulariorum condita, — numero plurima sane — in vsus publicos extrahere potuerit, aliis et aliis voluminibus Codicem Diplomaticum Ilungariae locupletare, fragmenta et extractus complere, aut etiam, quum defectus cognouerit, emendare commode possit. Haec erant fere loco hoc praemonenda, nisi quod animum pulsat carissimorum virorum recordatio , qui ad commentationem nostram nouis augendam , ornandamque subsidiis sub decursu operis accesserunt. Hos inter commemorandus mihi venit inprimis RR. D. Ferdinandus Villax Ord. Cisterc. in Zirz et Pasztho Abbas, qui submissis vltronee Archiuorum suorum vetustis monumentis, ac speciminibus egregium, quo in Remp. fertur animum , comprobauit. Non absimiliter Venerabile Capitulum Veszprimiense e chartario suo sex exorari siuit diplomata anecdota. Sed fami-