Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 2. (Budae, 1830.)

quod litteris a Ladislao (Chuno) etCarolo piae me~ moriae regibus inserta sit, in praeiudicium praefatae Ecclesiae et Conaentus detineant et occupauerint. Datum est Diploma feria proxima ante festum Corporis Ciiristi anno Domini Miliesimo tercentesimo , nonagesimo. Praesentibus Briccio Praeposito , Ioanne Lectore , Petro Cantore, Gailo Custode, et Stephano A. Diacono, ceterisque Canonicis in Ecclesia nostra (Colocensi) famulantibus regi sempiterno. Orig. in cloino Ciuica Faiszensi. Coll. Dipl. August. Szalay. 9.) In Ormetia, iuxta montes Caspios, anno 1284. occubuit — frater Stephanus Hungarus , . du m contra adulteratos ritus Graecorum praedicaret, et Schismaticorum ab vnione et obedientia Romanae Ecclesiae recessum condemnaret ; nam cum publicis institutis disputationibus causam suam firmiter rationibus tueri non valerent Schismatici, gladio animaduertendum iudicarunt in suae perfidiae hostes; erumpentes itaque ex insidiis fratrem alio pergentem, vt die sequenti festiuo praedicaret, crudeliter adoriuntur, vulnerant et ferali modo discerpunt. " Post Gonzag. in Prou. Saxon. S. Crucis Annales Waddingi Tomo V. fol. 128. F.xtractus Diplomatum Variorum. (Testamentuin). Cum conditio humane nature mirabili detineatur decursu, iure igitur ac iuste, longa etas patrum precedentium curauit statuta et decreta sua per testamenti descriptionem tam modernorum uotitie, quam etiam posterorum consciencie tradere, et sic ea ab obliuione defendere. Quo circa ego Stephanus, Myske Comitis filius, diuina disposi-