Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 2. (Budae, 1830.)

nire admilteret , denunciando omni priuilegio, si quod habet de eo, quod excommunicari non possit, per Dominum Archiepiscopum Colocensem, omni Praelatorum consilio attendente, prout ad hoc Dominus rex se per litteras suas speciales obligauit , a Romana sede capella eius interdicatur. Barones etiam et alii Nobiles, qui se huiusmodi damnatis et dampnatione dignis adiunxerint, simili subiaceant vltioni. Et quia crescentibus excessibus crescere debet et poena, pro eo Episcopi Dioecesani, in quorum Dioecesibus factum hoc a Deo et praesenti statu damnatum , attemptatum fuerit, in ecclesiis, et populis taliter dampnandorum interdictum ponant, et positum tamdiu faciant obseruare, donec haec praemissa operatione Domini regis accedente, finem capiant congruentem. Item munitiones et caslella de nouo absque licentia Domini regis, vel quae fuerint tales, de quibus detrimenta inferuntur, vel in posterum inferri praesumerentur , aut etiam quibus ipsae possessiones non sufficiunt , minores etiam super ecclesias et monasteria factas, sine dilectione omni deleantur: quae si destructa non fuerint , detentores earumdem munitionum sententiam excommunicationis ex nunc latam (incurrant); et nichilominus per Dominum regem, vbi idem processerit in Regno, vel per Palatinum huiusmodi munitiones deleantur ; terrae siquidem, vbi tales munitiones per Dominum regem, vel Palatinum repertae fuerint, per quos dictae munitiones constructae fuerunt, in ius regium deuoluantur, nulla redemptione vel commutatione recepta ; si vero fuerint aliorum, veris et propriis dominis restituantur. Item statuimus, quod vsque ad tres menses, a die praesentis