Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 1. (Budae, 1830.)

anarchiae contagio infecti obstiterunt. Horum Comites Gissingienses (de NemetUjvar) praecipui, actis cis ac trans Drauum praedis ac Iatrociniis infames, ob infidelitatem a Lodomerio A. Episcopo Strigoniensi Sacris interdicti , desidia regis rempublicam in extremum adductam discrimen , nec se alium, quam Pontifex Hungaris dederit, regem agno^ scere posse, sunt Bonifacio VIII. mentiti. Gregorius, qui Lodomerio in Archiepiscopatu successor datus fuit, litteris id propter Pontificiis monitus, vt malis Hungariae medelam poneret, confirmationis ac pallii obtinendi gratia, secessione ad perduelles facta, iis, qui ipsum non sequerentur, diris deuotis, malum in immensum auxit; dum Carolo Roberto, in quem pater sua transmiserat iura, in Dalmatiam ac Croatiam euocato contra libertatem gentis , maxima Regis iniuria, Pontificis nomine diadema imposuit, nexumque taliter, qui inter caput legitimum et membra vigebat, penitus luxauit. In tam iniqua incidit tempora Rex