Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 1. (Budae, 1830.)

A. Ch. 1295. Capiluli Vaciensis de possessione Bezeta , sorori suae, magistri Marcus consorti , in ratam quartalitatis per fratres concessa, testimoniales. Capitulum Ecclesiae Vaciensis omnibus Christi fidelibus, quibus praesentes ostenduntur, salutem in omnium Saluatore. Ad vniuersorura notitiam tenore praesentium volumus peruenire, quod nobiles viri Magister Ladislaus, filius Tekus, Tekus filius Baach, Lachk et Stephanus filii Stephani, filii Tekus , pro se et aliis fratribus suis coram nobis personaliter constituti, confessi sunt viua voce: quod quamdam possessionem ipsorum Bezeta vocatam, cum omnibus appertinentiis suis, ac pertinentibus ad eamdeni vtilitatibus etiam vniuersis eiusdem, ratione quartae nobili Dominae, sorori ipsorum, consorti videlicet Magistri Marcus, fratris Boiyz, iure naturali, iuxta regni consuetudinem prouenientem, dedissent, tradidissent, et contulissent ipsi Dominae, et per ipsam ratione suae quartae meraorato Magistro Marcus, ac vniuersis suis liaeredibus, haeredumque suorum successoribus, iure perpetuo et irreuocabiliter possidendam, tenendam, et habendam, per quempiam nullatenus repetendain. — — In cuius rei testimonium praesentes concessimus, sigilli nostri muniraine roboratas. Datuin per manus Magistri Andreae, Lectoris Ecclesiae nostrae. Anno Doinini MCCXCIII. Magistro Dominico Praeposito, Dominico Cantore, Iuliano Custode, Olyuerio Archidiacono Vaciensi. Nicolao Pestiensi , Augustino de Zygethfeu, Chepano de Zownok, et Chullome Chongradiensi Archidiaconis exislentibus, ac aliis fratribus in Ecclesia B. Virginis Deo pie famulantibus, humiliter et deuote. i

(