Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 1. (Budae, 1830.)

A. Ch. 1292. Idem Andreas III. noua et indebita portoria , mercaturae promouendae gratia , suffert. Andreas, Dei gratia, Hungariae, Dalmatiae, Croatiae, Ramae, Seruiae, Galiciae, Lodomeriae, Cumaniae, Bulgariaeque Rex, omnibus Christi fidelibus, praesentes Jitteras inspecturis, salutem in Domino sempiternam. Ad vniuersorum notitiam tenore praesentium volumus peruenire: Quod nos pro formatione status, et commodo ac vtilitate regni nostri connisi tributa de nouo instituta, quae loco inconsueto exiguntur , duximus omnino abolenda : volentesque de celero , vt vniuersi mercatores per regnum nostrum transeuntes , libere, et alDsque aliqua indecentia, transire valeant; et nullus eisdem inferre praesumat nocumentum. Praeterea tributarii vbique locorum in regno nostro constituti, tributum indebitum, et iniustum super eosdem mercatores exigere nullatenus praesumant, sed iustum tributum , qualiter tempore Domini Belae Regis, felicis recordationis, aui nostri charissimi exigi consueuerat , more debito et consueto exigant super ipsos. Scientes , quod si qui secus fecerint, et eosdem mercatores ratione tributi indebiti molestarent, ex tunc eosdem in rebus et personis suis faceremus condemnari; et super possessiones eorumdem , in quibus falsum tributum exigeretur ad manus nostras deuolui faceremus. Yolumus etiam, quod si qui ex nostris Baronibus in suis possessionibus tributum potenlialiter exigi facerent, suam dignitatem amittere possint eo ipso. In cuius rei memoriam, perpetuamque firmitatem, praesentes concessimus litteras , dupplicis sigilli nostri munimine roboratas. Datum per manus discreti viri, Magistri Gre-