Fejér, Georgius: Codex diplomaticus Hungariae ecclesiasticus ac civilis. Tomi VI. Vol. 1. (Budae, 1830.)

dem, super monasterio beati Nicolai de Bach , pedis aurei, et possessionibus eiusdem, ac iure patronatus in eisdem coram Domino Rege conuenisset, et idem Dominus Rex ipsam causam nobis commisisset iudicandam, ac fine debito terminandam, tandem idem Chaba et Dominus Abbas predictus vna cum fratribus suis, Petro videlicet ceJerario , et Domino Willermo ad nostram accedentes presenciam , se in liuiusmodi concordiam dixerunt deuenisse: quod Abbas et fratres sui, suo nomine et suorum successorum , ad Comitem Chabam et alios de generacione sua , et eorum successores recognouissent ius patronatus de iure pertinere, ita tamen , quod sicut nunc dictus Comes Chaba specialius fungitur titulo iuris patronatus, ita et in posterum vnus , quem predicta generacio ex se habebit meliorem, fungetur eodem priuilegio patronatus; et cum in festo beati Nicolai in ipsum Monasterium Patronum , qui pro tempore fuerit, caussa deuotionis venire contigerit, eidem seu cum multis, seu cum paucis accedenti non plus , nisi vnam ouem, quinque cubulos vini et panes sufficientes, in ipso saltem festo, tanquam Patrono, ministrarent; preterea: quandocunque idem Chaba vel famuli sui, aut quispiam de generacione sua et famuli eorumdem in portu Varadiensi transitum facere voluerint, absque aliquo precio transducantur in portu memoralo. Ceterum omnes Iobbaciones dicti Chaba, et «j > aliorum de generacione sua-, causa fori Varadinum accedentes, ab omni exaccione tributi exempti haberentur et immunes. Adiecit eciam, quod prefatus Comes Chaba , vel alius , qui ei successerit modo memorato, in possessionibus monasterii pre-