Fejér, Georgius: Codex diplomaticus Hungariae ecclesiasticus ac civilis. Tomi V. Vol. 3. (Budae, 1830.)

libus , praesentem paginam inspeeturis , salutem in omnium Saluatore. Vt collationes principum perpetua firmitate solidentur, litterarum solent testimonio communiri : inconcussum quippe permanet, quod regio fuerit patrocinio communitum. Proinde ad vniuersorum notitiam tenore presencium volumus peruenire, quod cum Comes Petrus, fdius Georgii de genere Aba, ab indole sue puericie nobis fideles semper exhibuerit famulatus, que per singula suo modo seriatim nequeant annotari , quedam tamen de seruitiis et fidelitatibus eiusdem presentibus duximus inserenda: ea vide licet, quod cum Otliokarus Rex Boemie , inimicus noster capitalis, collectis suis viribus cum exercitu valido contra nostram procederet maiestatem , et nos contra ipsum exercitum generalem mouissemus ; idem Comes Pctrus in die expugnationis ipsius exercitus nostri, intuentibus nobis in aduersam irruens aciem, viriliter dimicauit; vbi idem rex Boemie extitit interemptus, felicem victoriam diuina gracia annuente reportantes. Preterea, cum perfida gens Tartarica regnum nostrum potencialiter cum omni ipsorum multitudine introissent, vastus, incendia et depredaciones miserabiliter in omnibus partibus regni nostri , et specialiter in Comitatu Sarus, committerent infinita; idem Comes Petrus vna cum Iwanka fratre suo vterino, virtutem preceliendo virtute, collectis suis viribus contra eos insurgendo, certamen belli cum eisdem inierunt, multos ex iis occidendo, et omnes captiuoSj qui in ipsorum abducebantur captiuitate, in signum victoriae eorumdem liberarunt. In quo quidem praelio memoratus Iwanka , frater dicti Comitis Petri , extitit per eosdem interemptus.