Fejér, Georgius: Codex diplomaticus Hungariae ecclesiasticus ac civilis. Tomi V. Vol. 1. (Budae, 1829.)

constructa lapidibus , foret habitaculum fidelium animarum. Per hanc reges regnant, et principes dominantur, quae sola cum fiducia sub integritate fidei et innocentia vitae Deo , Creatori nostro, animas repraesentat, quidque huic impertitum fuerit et largitum , in aeternitatis saeculo gloriosae retributionis praemio compensat. Proinde deuotas preces et instantiam venerabiiis patris Timothei , Episcopi Zagrabiensis Ecclesiae , dilecti et fidelis nostri, et capituli eiusdem recipimus, continentes, vt priuilegium Andreae, regis illustris, aui nostri, sub bulla aurea habitum et obtentum, accedente ad idem priuilegio confirmationis D. Belae, regis serenissimi , patris nostri clarae memoriae. super immunitate libertatis Zagrabiensis , et populorum spectantium ad eandem, in no-tra et nostrorum Baronum praesentia , seriatim exhibita et perlecta, in signum gratiae specialis dignaremur aureae nostrae bullae cliaractere communire; quorum quidem priuilegiorum tenor talis est — — Nos itaque illustrium progenitorum nostrorum regum Hungariae vestigiis inhaerendo , ipsam Zagrabiensem Ecclesiam ea benignitate Celsitudinis regiae persequi cupientes, praesertim ob deuotionem sancti regis Ladislai , qui eliminatis gentilitatis erroribus in ducatu Sclauoniae, Zagrabiensis ecclesiae institutor sanctissimus exstitit, et fundator ; attendentes nihilominus considerationis oculis, deuotionem venerabilis patris Timothei episcopi Zagrabiensis, opere mirifico et plurimum sumtuoso dissolutam in sui corpore a primo fundamento ipsam Zagrabiensem Ecclesiam reparantis , atque in eo innocentiam vitae, amorem domus Dei et dispensationem in rebus ecclesiasticis prouidam, vt ipsiTom. V. Vol.I. 15