Fejér, Georgius: Codex diplomaticus Hungariae ecclesiasticus ac civilis. Tomi V. Vol. 1. (Budae, 1829.)

riae , Cumaniae , Bulgariaeque Rex. Vniuersis Chrisli fidelibus , praesens scriptum inspecturis , salutem in omnium Saluatore. Licet regia pietas manum munificam porrigere debeat vniuersis , illos tamen, quorum experta probitas laudata est in prosperis et in arduis, principaliori debet prosequi munere et fauore ; vt alii eorum exemplis inuitati, ad fidelitatis opera fortius accendantur. Proinde ad vniuersorum notitiam harum serie volumus peruenire, quod cum Ioachimus de Seegh, grata semper et laudabilia seruitia nobis et regno cum omni fidelitate impendisset, quod licet per singula longum esset enarrare, quaedam tamen specialiora praesentibus duximus inserenda. Verum cum nuper inter nos et regem Bohemiae discordia fuisset suscitata , idem Ioachimus , in ipso facto nostro nobis gratum exhibuit seruitium , et sedulum famulatum ; in hoc specialiter, quod, cum infideles regni nostri, Nicolaus videlicet, et Stephanus , filii Pauli, venissent ad expugnandum castrum nostrum Nitriense, idem Ioachimus de castro exiens contra eosdem, captus fuerat, qui postmodum septuaginta marcis se redemit ab eisdem; postmodum vero cum exercitus eiusdem llegis Bohemiae, ex transmissione eiusdem , ad deuastandam terram nostram, versus domum suam in villam Seeg accessissent, eundem Ioachimum pro fidelitate nobis exhibenda, omnibus bonis suis spoliarunt. Qui licet Ioachimus post tot et tantorum seruitiorum merita maiora el ampliora de munificentia regia in perpetuitatibus seu donationibus perpetuis, promereri debuisset, in recompensationem seruitiorum suorum , aliqualem terram Castri nostri Nitriensis, Deueche nomine, vacuam, et habitatori-