Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

Erdeud sitam, quam ex collatione Patris nostri, Domini Stephani, Serenissimi regis Hungariae clarae memoriae, pro vniuersis suis seruitiis, eidem fideliter exhibitis, et impensis dudum fuerat assecutus, licet mediis temporibus, possessione eadem de facto fuerat destitutus, sibi conferre, vel potius primitus collatam restituere munificentia regia dignaremur; donationis patris nostri multiplices litteras exhibendo. Nos itaque de voluntate Dominae reginae, charissimae matris nostrae, et omnium Baronum nostrorum , qui praesentes aderant, consilio, praefati Ian mercatoris deuotis supplicationibus inclinati, pensatis maxime ipsius obsequiis meritoriis, quae in accommodatione suae pecuniae pro beneplacitis Domini Patris nostri exhibuit temporibus opportunis, et in aliis articulis, ita se subnixum regiae obtulit voluntati, vt etiam in exequendis suis iussionibus et mandatis, captiuitati in persona propria fuerit mancipatus, multas per hoc inedias sustinens, et pressuras cum magno discrimine rerum pariter et personae, et in diuersis aliis negociis, quae non possent per singula recenseri, fidelem semper impenderit famulatum. Nos in ipsum nostrae Maiestatis dextram porrigentes, et emeritis suis laboribus consolationis linteum exhibentes, vt sit mansurum beneficium , quod a voce prodiit principali, ad instar donationis Patris nostri, Regis inclyti, memoratam terram, seu villam Heydreh, eidem Ian mercatori , et per eum suis haeredibus, haeredumque suorum successoribus , restituimus cum molendino, ac omnibus vtilitatibus suis et pertinentiis , perpetuo possidendam. Adiicientes, qtiod populi praedictae villae a descensu violento, et exactione qualibet, excepti et