Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

nam. Et vt principatum fidei in sacrosancta Piomana ecclesia consistere, eamdemque Christi thalamum, et Trinitatis hospitium luculentius demonstraret, non a se, vel ab alio, sed ab eadem Romana Ecclesia, matre omnium et magistra, regni diadema reuelatione diuina meruit obtinere; vt ab ea , quasi quodam capite principali, dona sua in omne corpus diffunderet lux diuina, et exsortem se ministerii intelligeret esse diuini, qui a Petri soliditate recederet deuiando. Et quia nihil est, quod lumine clariore praefulgeat, quam in principe recta fides; cupientes toto mentis annisu tentoria fidei dominicae ampliare, eiusdem Sanctissimi Regis Stephani, progenitoris nostri , vestigiis pro modulo inhaerentes, vt in arcam Domini sub vnitate fidei inter ceteros Comanorum multitudinem, pro parte charactere dominico insignitam, suscepto Baptismatis sacramento, quamuis adhuc in via morum errantem, reliquam etiam partem a ritu paganismi ad agnitionem Christianae fidei, mediante venerabili et sanctissimo Patre D. Philippo, Dei gr. episcopo Firmano , apostolicae sedis legato , eiusque sancto ministerio, Domini cooperante clementia, perducamus, quatenus coeleste regnum proficiat per terrenum, sollemniter promisimus et iurauimus ad sacrosancta Dei euangelia, in praesentia eiusdem vener. Patris, D. legati et omnium praelatorum et religiosorum virorum, et satraparum nostrorum, qui aderant nunc praesentes. Primo quidem iurauimus, quod fidem catholicam, et ecclesiasticam libertatem seruaremus ac teneremus, ac teneri faceremus et seruari in resrno nostro et o terris nobis subiectis quoque constitutiones et decreta sanctorum Regum, Progenitorum noslro-