Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

/ videlicet : quod duodecim Canonicos in Ecclesia processionali, seu capella S. Stephani Protomartyris collocaret, et sufficientibus redditibus eandem Ecclesiam, qwoad sustentationem duodecim Canonicorum dotaret et ditaret; sictamen, vt decursis seu protelatis temporibus eorumdem Canonicorum inibi collocandorum sustentatio vitae diminutionem non reciperet, et Canonici in eadem Ecclesia S. Stephani P. M. locati et fundati in opprobrium Cleri non mendicarent ostiatim, et eorumdem Cauonicorum hospitia iuxta eamdem Ecclesiam S. Stephani P. M., vbi sanctissimus Rex Stephanus, Sanctum nomen suum proprium et natiuitatis suae praenunciationem per os S. Stephani P. M. , omnipotentis Dei veri nuncii recepit, collocata, sita, et fundata remaneret perpetuo duratura; ne iidem canonici hospitia quaerendo inciperent diuagari, et per hoc officia diuina remanerent incompleta ; propter quae volumus, et nunc siiniliter ordinamus, quod si ista fieri contingat, temporibus venerabilis Patris, Domini Philippi Archiepiscopi Strigoniensis nostri Praelati moderni, aut curriculo temporum aliorum, tempore Praelatorum Strigoniensis Ecclesiae, volumus, quod possessiones iam praenominatae ad vsum eorumdem canonicorum, Sancli Stephani Protomartyris et vlilitatem, ad sustentationem eorumdem, ad honorem Dei et matris gratiae, ac exaltationem nominis Sancti Stephani, Protomartyris deuoluanlur possidendae perpetuo et irreuocabiliter nemine contradicente, ac resistente. Hoc etiam in medium deducto, quod duae arae, excepta ara maiori, de duabus partibus, vna a parte meridionali, quae sit fundata in honore beatae Virginis Margarethae, alia a parte septem-