Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

reddenda erant; ac quod plurimum: rex et populus Reipublicae intendere coepit. Fides ac virtus eorum, qui ad arma contra Ottocarum conuolarunt, praemiis liberaliter ornata, aliorum firmatis iuribus ac praerogatiuis incitata, et Ladislao Regi, et Rudolfo Caesari e voto cessit. Recrudescente namque contra Bohemum, qui pactis non stetit, bello, postquam Rex amplissimis sub promissis, cum fratre in filium adoptatus, ampliores Caesari suppetias fert; Cumanorum et Hungarorum insultu factum maxime, vt in campis Morauicis prostratus , victus, ac fortiter occumbens, bello ac liti de prouinciis Austriae fmem tandem fecerit. Ladislaus pro auxilio praestito grates, ac laudum cumulum reportauit; largius ipse in pugna meritos remuneratus ; in Cumanos tamen magis quam Hungaros munificus. Andrea fratre bello hoc caede, vt videtur, ante initum matrimonium, amis^ so; animis Suorum delinitis ; periculo foris, domique defunctus Rex totum se