Fejér, Georgius: Codex diplomaticus Hungariae ecclesiasticus ac civilis. Tomi V. Vol. 2. (Budae, 1829.)

A. Ch. 1272. Idern Ladislaus ius Patronatus Ecclesiae B. I M. V. de Sagh , Nicolao de genere Hunt - Paznan abiudicatum , rnatri Reginae confirmat. Nos Ladislaus , Dei gratia, Rex Hungariae, significamus tenore praesentium vniuersis : quod cum Nicolaus, filius Iako, de genere Huntpaznan, suppressa veritate et falsa suggestione patronatum monasterii Virginis gloriosae de Sagh a nobis dari sibi petiisset, et occupatum detineret; Nos ipsum patronatum , qui ad nos et nostros successores solunimodo debet pertinere, prout in litteris patentibus D. Stephani regis , karissimi Patris nostri, inclytae recordationis , vidimus contineri, abstulimus a Nicolao supra dicto; vnde volumus firmiterque praecipimus, quatenus nullus de cetero ratione patronatus ad iura praedicti monasterii immittere se praesumat; nec aliquis iudicum populos eiusdem cuiusuis conditionis iudicare, seu turbare; cum iidem in praesentia nullius iudicis adstareteneantur, nisi in praesentia Iudicis curiae Dominae reginae, matris nostrae praedilectae; sicut in priuilegio eiusdem Domini Stephani regis, karissimi patris nostri, inspeximus contineri; quod et nos ratum habemus et acceptum; id per praesentes confirmamus, non obstantibus illis litteris , quas praedictus Nicolaus a nobis sibi dicitur falso modo impetrasse. Datum Budae, in octauis Natiuitatis gloriosae. Anno Domini MCCLXXII. Ex analectis Wagnerio - Jankowidiianis Tomo C. nro 189. p. 350.