Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 3. (Budae, 1829.)

A. Ch. 1262. Idem Vrbanus Oliuerii, Sirmiensis Episcopi, ad Ordinem FF. Minorum se recipere cupientis, preces probari, acceptarique iubet. Vrbanus — — — Archiepiscopo Colocensi. Sisnificauit nobis vener. frater noster Oliuerius , o ' Sirmiensis Episcopus, suffraganeus tuus , quod graui corporis languore grauatus, pastorale, vt expedit, officium exercere non potest; quodque apud se mente recogitans, inuenit, quod commissam curae suae Sirmiensem Ecclesiam salua nequit conscientia retinere. Vnde volens suae conscientiae et saluti consulere , ac eidem Ecclesiae, ne sub vmbra sui nominis in spiritualibus et temporalibus irreparabiliter corruat, praecauere ; a nobis per litteras et diiectum filium M. Thomam, thesaurarium et Petrum, Canonicum eiusdem Ecclesiae , nuncios suos, ad hoc specialiter destinatos, humiliter postulauit, vt cessionem ipsius perte, metropolitanum suum, recipi, et transeundi ad FF. Minorum Ordinem sibi dari licentiam mandaremus. Nos itaque de tua circumspectione plenam in Domino fiduciam obtinentes, fraternitati tuae per apostolica scripta mandamus, quatenus , consideratis diligenter circumstantiis vniuersis, quae circa hoc fuerint attendenda, si expedire videris, recipias a praeattacto, quum ab eo requisitus fueris, cessionem huiusmodi vice nostra ; et cum a vinculo, quo tenetur Ecclesiae suppradictae, licentiam sibi tribuas ad dictum ordinem transeundi. Daturn apud Vrbem veterem, idibus Decembris anno II." Apnd Waddingum p. 198. Tom. IV. p. XLIV. E reg. Vrb. IV. an. II. ep. 33. Meminit Pray Hier. P. II. pag. 384. alterius quoque Vrbani IV. epistolae, ad Nicolaum, magistrum domus hospitalis S. Stephani Strigonium scriptae , huius tenoris : „Sane cum recolendae memoria»