Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 3. (Budae, 1829.)

nostram praesentiam, sibi in terris in vieino adiacentibus , peterent instantissime prouideri: conquerentes, quod propter terrae insuflicientiam stare non possent, nec eorum numerus per hoc ampliari posset aliquatenus et augeri. Eorum precib.us instantissimis satisfacere volentes, ne ipsa villa propter terrae indigentiam desoletur , quamdam terram monasterii Sancti Iohannis Baptistae de Iaszow Precha vocatam , quam terrae ipsorum contiguam cognouimus, et vicinam, receptam ab eodem monasterio eisdem duximus perpetualiter statuendam. Et ne praeiudicium dicto Monasterio per nos propter hoc possit, aut debeat generari, volentes eidem grata vicissitudine occurere, vt decebat, terram Kerch in Comitatu noui Caslri existentem ab ipso castro receptam penitus et exemptam, nostrae collationi per omnia pertinentem , et vacuam a tempore Tartarorum, eidem monasterio sub eisdem antiquis metis, et terminis, sicut per priores possessores limitata fuerat et possessa , in concambium terrae ab ipso receptae duximus perpetualiter et irreuocabiliter conferendam. Vt igitur ipsum monasterium praefatam terram quiete possideat et pacifice , in robur amplioris certitudinis praesentes concessimus litteras dupplicis sigilli nostri munimine roboratas. Datum per manus Magistri Benedicti, Praepositi Sybiniensis, aulae nostrae Vice-Cancellarii. Anno DominiMillesimo, ducentesimo, sexagesimo secundo. " E protocollo domestico Conuenlus Iaszow exscripsit Dan. Cornides CoII. Dipl. Tom. II. 5. p.