Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 3. (Budae, 1829.)

in caussis possessionum et aliis conquereretur, ex causa probabili se grauari; nos ad insinuationem ven. patris Smaragdi , Arcliiepiscopi Colocensis, personaliter praedictorum iudicum sententias et processus exaudire et emendare tenebimur; iuxta modum praestiti super hoc specialiter sacramenti. Praestito etiam promittimus iuramento, quod omnes Principes , barones, seu quilibet seruientes carissimi patris nostri in portione regni assignata, domicilia et possessiones obtinentes , in eundo ad ea, et morando in eis, ac redeundo ad memoratum carissimum patrem nostrum; in pace tranquilla, quiete pacifica, et securitate gaudeant inconcussa; eo praetextu vel occasione, quod carissimo patri nostro adhaeserunt, vel qui in futurum adhaeserint, quin adhaerendi ei, et sequendi eum vniuersi regnicolae, iuxta ordinationem factam, largam licentiam, et liberam habeant facultatem, nullum metum, nullam omnino formidinem habituri, sed in personis , possessionibus, familiis, terris, et territoriis ac bonis omnibus indistincte plena pace gaudeant, securitate pacilica iocundentur. Promittimus etiam, tactis euangeliis, et Sanctorum reliquiis, quod Ecclesiarum, baronum, seruientium, seu nobilium, in portione regni nobis assignata, iura, libertates, immunitates, status et priuilegia conseruabimus; et quantum in nobisest, faciemus et conseruare curabimus cum elfectu; secundum continenliam et tenorem litterarum nostrarum, super huiusmodi ordinationibus confectarum; quarum mentionem fecimus in praemissis. Item, tactis sacro sanctis et coram positis reliquiis, promittimus, quod super attendendis et obseruaudis omnibus et singulis, quae praemisimus, et quao