Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 3. (Budae, 1829.)

to potiori libcrtatis beneficio ex regalis prouisionis dono eos contigerit gratulari. Proinde ad vniuersorum notitiam harum serie volumus peruenire, quod quum olim fines et termini regni, seu ducatus Sclauoniae continuis latrunculorum, et frequentibus insultibus pulsarentur ; nos tam conuicti nostrae propriae, quam subditorum nostrorum, in illis partibus degentium, securitati prospicere, salubriter cupientes, castrum in monte Grech iuxta Zagrabiam, ob tuitionem eorumdem confiniorum, decreuimus constituendum. In cuius castri constructionem fideles nostri, ciues eiusdem castri, in aedificando sibi domos ibidem et alias aedes, illuc transferendo, sumtus non modicos, labores continuos et damna plurima vsque ad ex~ inanitionem extremae virtutis fideliter subierunt, exponentes se etsua illis temporibus pro regio siue ducatus honore crebris periculis et fortunae. Nos igitur, huiusmodi obsequiosis et sumtuosis laboribus ipsorum grata volentes vicissitudine respondere , hanc eis praerogatiuam concedimus libertatis, vt nec per se, personaliter ad exercitum, quem nos vel karissimum filium nostrum, Dominum Belam, inclitum Ducem totius Sclauoniae et Croatiae, diuersis temporibus, et quandocunque facere contigerit, ire nullatenus, nec aliquid propter hoc, vel eius occasione nobis vel sibi impendere teneantur. Eosdem quoque nullius exactionis, talliae, seu collectae, vel cuiuslibet publicae functionis, aut aliorum regni incolarum onus subire volumus ; sed sint a praestatione earumdem in perpetum liberi et immunes; ita tamen , quod praedicto Duci Belae, karissimo filio nostro XL. rnarcas, 3olummodo iu vsuali moneta, cuius quidem mo-