Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 3. (Budae, 1829.)

A. Ch. 12G5. Idem Bela filios Bissenoriim de Padan, ob bene merita, inter Nobiles , cum obligatione militandi , transfert. Bela, Dei gratia, Hungariae, Dalmatiae, Croatiae, Ramae, Seruiae, Galliciae, Lodomeriae, Cumaniaeque Rex , omnibus praesens scriptum inspecturis , salutem in omnium Saluatore. Ad vniuersorum notitiam tam praesentium quam futurorum, tenore praesentium volumus peruenire, quod cum Saul et Saulus, filii Salamonis de villa Padan, Theber, Elias, et Harcus, filii Ioka de eadem , Tauernici nostri , q u i fi 1 i i B i s s e n o r u m d i c u n t u r , fideliter nobis seruierunt: Nos consideratis meritoriis seruitiis eorumdem, quae nobis diligenter impenderunt, et impendere poterunt in futurum, talem eisdern gratiam duximus faciendam: vt quandocunque nos habere exercitum continget , iidem Salomon , Saul et Saulus filii ipsius , ac ipsorum cognati, de villa Padan existentes , videlicet dicti filii loka, Pyrimus, Ieke , Chenken , lakou , et Kopesh, ac eorum heredes , nec non posteri , inter regni nostri nobiles perpetuo computentur, et nobiscum, et non cum aliquo exercituare teneantur. In cuius rei memoriam et perpeluam firmitatem praesentes eisdem concessimus litteras, dupplicis sigilli nostri munirnine roborando. Datum per manus Farcasii, electi Albensis, Aulae nostrae Vice-Cancellarii, dilecti et fidelis nostri. Anno Domini MCCLXV. Regni autem nostri anno tricesimo. E Coll. Szechenyiana Tom. II. p. 249—sq.