Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

A. Ch. 1253. Idem Innocentius Magistrum loannem Buxium , Episcopi Placentini Capellanum, per A. Diaconum Simighiensem beneficio ecclesiastico prouideri iubet. Innocentius — Genito , Archidiacono Simi"hiensi , in Ecclesia Yesprimiensi. — Gratia et fauore illos digne prosequimur , quibus de vita et moribus laudabile testiinonium perhibetur. Cum itaque Venerabilis Frater noster, Episcopus Placentinus pro dilecto filio , Magistro Ioanne, Buxio , Capellano suo Apostolicam gratiam affectuosis precibus personaliter duxerit implorandam : nos in eodem Capellano, cui sincerae dilectionis merita suffragantur , Episcopum ipsum honorare volentes , mandamus: quatenus de personatu vel dignitate, etiamsi curam animarum habente, in cathedrali vel alia ecclesia Regni Ilungariae, praefato Capellano per Te vel per alium auctoritate nostra prouideas , ac eum in ecclesia, in qua sibi prouideri contigerit, si collegiata sit, recipi facias in canonicum, et in fratrem. Non obstante contraria consuetudine , vel statuto de certo Canonicorum numero Ecclesiae, in qua sibi contigerit prouideri , iuramento , vel confirmatione etc. —• vallato. Vel si pro aliis etc. vsque: generari; seu quod idem alias beneficiatus existit ; siue aliqua indulgentia cuicunque personae, loco, vel dignitati ab Apostolica sede concessa; quod suspendi vel interdici, aut excommunicari, seu ad receptionem vel prouisionem etc. vsque mentio habeatur; vel constitulionibus de duabus dietis etc. contrariis. Datum Perusii. VI. Idus Februarii. Anno Decimo. Ibidem nro 295.