Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

A. Ch. 1252. Stephanus A. Episcopus Strigoniensis decimas Ecclesiarum fundationalium Abbati de Zala, in congregatione per se celebrata, contra Zlandum Episcopum adiudicat. Nos Stephanus, Dei gratia, Arehiepiseopus Strigoniensis etc. significamus omnibus, per praesentes litteras, quod insynodalinostra congregatione, in die festi S. Lucae Euangelistae, vniuersis Abbatibus, Praepositis et Clero nostrae Diaecesis solenniter celebrata, vir religiosus, frater Blasius, Abbas monasterii de Zala , de medio aliorum surgens querulosa et lamentabili voce nobis et vniuersis Abbatibus atque clericis retulit in hunc modum: Quod venerabilis in Christo Pater, Dominus Zlandus Episcopus Wesprimiensis, tam decimas frugum, quam vini singulis annis sibi et ecclesiae suae prouenire debentes, ex donatione sanctissimi regis Stephani eis donatas et concessas per exactiones decimarum suarum defalcaret, et pro se ipso occuparet, nec non quosdam sacerdotes et capellanos suos sub obedientia sua, in decimatione et obedientia sua contenlos, scilicet plebanos, et ad ipsum pertinentes, molestare et aggrauare indebite contra iuridicas statutiones non cessaret: quibus sic auditis , iam dictus venerabilis Pater, Dominus Zlandus, Episcopus Wesprimiensis, similiter in eadem congregatione coram nobis astans, contra eumdem Abbatem respondit eo modo: quod ipse decimas suas et ecclesiae in nullo occupasset, nec occupare intenderet, quouis inodo , sed idem Abbas memorata sua praesumtione quosdam Sacerdotes in Dioecesi sua existentes, sibi et ecclesiae suae applicasset, et attraxisset iniuste, quod tamen nulla super eosdem iura ecclesiastica