Fejér, Georgius: Codex diplomaticus Hungariae ecclesiasticus ac civilis. Tomi IV. Vol. 2. (Budae, 1829.)

princeps et populas, tam pauperes quam diuites, a maiori vsque minorem, petunt ac desiderant ven. patrem nostrum Benedictum in Patrem et pastorem EcclesiaeStrigoniensis promoueri; et vt laicaliter, seu vulgariter loquamur, vox populi est vox Dei, et fama vulgi speciem obtinet proplietiae. Datum in insula leporum. V. idus Maii, anno MCCLII." Apud Peterfmm Cone. P. I. p. 70. Postquam Stephanus in Italiam ad Praenestinam infulam capessendam Purpuratus concessisset; aerem eius regionis sibi grauiorem expertus, animum ad Strigoniensem Ecclesiam redeundi praeferebat; Pontifex ideo votis ipsius obsecutus, vt vacuam illi sedem reseruaret, postulationem Benedicti distulit confirmare; cuius consilii ignarus Bela praemissas, ac sequentes expostulatorias scripsit ad sedem apostolicam litteras. Katona Tom. VI. p. 174. sqq. — Ad hunc annum refert non immerito Schierius (Buda sacra p. 77) monasteni B. M. V. Sanctimonialium Dominicanarum pietati in insula Leporum , per Belam regem exstructi, originem; in quo etiam filiam suam Margaretham, ex asceterio Vesprimiensi , collocauerat. Haec causa morae Regis Belae in eadem insula fuerit. A. Ch. 1252. Idem Bela causam Benedicti in Archiepiscopum Strigoniensem postulati instantius vrget. Sanctissimo in Christo patri, domino I. diuina prouidentia, sacro sanctae Bomanae Ecclesiae summo Pontifici, B. Dei gratia, rex Hungariae, filialem in omnibus reuerentiam debitam, ac deuotam. Non adiicientes paternitatem Vestram , pluribus occupatam, diutius detinere, ecce breuiter et laicaliter, et tamen veracissime coram Deo dicimus, quod si vultis saluare Ecclesiam Strigoniensem, et exaltare Colocensem , et vniuersis regni nostri Ecclesiis prouidere, postulationem de persona venerabilis Patris B. Archiepiscopi Colocensis, aulae nostrae Tom.IV. VoI.II. 10